SARANGANI PROVINCE – Gipasigarbo ni Mayor Salway Sumbo sa Malapatan, Sarangani Province nga sulod na sa usa ka tuig nga walay natala nga pagpanghasi sa mga dautang elemento sa ilang lugar.
Gumikan niini nagpasalamat ang mayor sa tanan nga nagkooperar alang sa kalinaw sa maong munisipyo.
Sa iyang pamahayag nga dako ang tabang sa mga programa sa gobyerno ilabi ang End Local Communist Armed Conflict kon ELCAC.
Kini gumikan upat na sa ilang barangay ang gihatagan og pondo alang sa pagpalambo sa lugar susama sa water system, health center, pagpaayo sa dalan og uban pa.
Ang mga kanhi rebelde ang gihimong prayoridad nga makatrabaho sa construction sa mga kadalanan.
Kahibaluan nga ang Malapatan ang usa sa mga lugar sa Sarangani nga may presensya kaniadto sa New Peoples Army kon NPA.
