Malaumon si Kag. Jun Lagare, Chairperson sa Committee on Transportation sa konseho sa dakbayan nga sa sunod semana mapasa ang iyang gisumiti nga resolosyon kalabutan sa hangyo nga 1,200 ka mga prangkisa.
Kahibaluan nga sa miaging session taas ang diskusyon sa mga city councilors kalabutan sa maong isyu.
Apan ilang gikasabutan nga hisgutan ang maong isyu pinaagi sa ‘committee of the whole’.
Ang maong 1,200 ka mga prangkisa ang kabahin lang sa 9,000 nga prangkisa nga ihatag sa katibuk-an sa syudad.
Kahibaluan nga anaa sa 3,184 ang may prangkisa nga tricycle sa pagkakaron.
Samtang gibana-banaan nga anaa sa 30,000 ang gabiyahe nga tricycle sa dakbayan kung asa 21,000 kapin ang dili mahatagan.
Apan sa maong ihap anaa sa 18,000 ang dili taga GenSan og 3,000 ang mga private nga mga tricycle.
