OCD-12 nanawagan sa publiko nga muapil sa matigayon nga 2022 fourth quarter nationwide simultaneous earthquake drills nga gikatakda karong adlawa

REGION 12 – Gapanawagan si Joriemae Balmediano, Information Officer sa Office of the Civil Defense (OCD)-12 sa publiko nga muapil sa matigayon nga 2022 fourth quarter nationwide simultaneous earthquake drills (NSED) nga gikatakda karong adlawa Nov. 10, 2022.

Matud pa ni Balmediano, nga ang tumong niini aron nga mapalig-on ang kaandam sa publiko kung may mahitabo nga linog.

Dili lamang sa mga anaa sa tulunghaan, opisina ang giimbitahan apan ang tanan bisag anaa sa balay.

Nasayran nga ang maong aktibidad ang ginahimo upat ka higayon sulod sa usa ka tuig.

Ang hangyo niini sa publiko nga angayang seryosohon ang maong earthquake drill gumikan dako ang tabang ilabi pa nga dili matag-an kung kanus-a mahitabo ang linog.