Committee on Transportation sa syudad gipaklaro nga walay bayaran ang mga tricycle drivers oras nga magkuha sa ilang prangkisa

GENERAL SANTOS CITY – Gipaklaro ni Kag. Jun Lagare, Chairperson sa Committee on Transportation sa konseho nga walay bayaran ang mga tricycle drivers oras nga magkuha sa ilang prangkisa.

Matud pa ni Lagare nga kini ang unod sa gisumiti nga resolosyon sa miaging adlawng Martes atol sa session sa Sangguniang Panlungsod.

Sa iyang pamahayag nga kini ang mahatagan sa dakbayan alang sa mga nasampit nga benepisyo tungod sa reporma nga gipatuman.

Kahibaluan nga ang dakbayan ang nagsugod na sa pagdawat sa mga aplikasyon sa buot magkuha og prangkisa.

Gikadugang pa niini nga pwede nga magkuha og prangkisa bisag dili miyembro sa kooperatiba base sa nakalatid sa Ordinance No. 37 sa dakbayan.