Kapulisan sa dakbayan nangayo og igong pasaylo og pasensya gumikan sa mas hugot nga mga patakaran nga gipatuman human sa natigayon nga pagbusikad sa usa ka bus sa Tacurong City

GENERAL SANTOS CITY – Nangayo og igong pasaylo og pasensya ang kapulisan sa dakbayan gumikan sa mas hugot nga mga patakaran nga gipatuman human sa natigayon nga pagbusikad sa usa ka bus sa Tacurong City.

Matud pa ni P./Lt. Col. Aldrin Gonzales sa General Santos City Police Office kon GSCPO nga padayon ang pag-inspection sa tanang mga sakyanan nga pasulod sa dakbayan.

Ang mga pasahero sa bus ang panaugon aron inspeksyunon.

Sumala ni LTC. Gonzales , ang maong mga gimbuhaton ang kanhi na nga gihimo sa dakbayan. Nasayran nga alerto ang tibook rehiyon dose human ang maong panghitabo diin gideploy ang mga kapulisan og laing pwersa sa mga otoridad aron mubantay sa palibot.