GENERAL SANTOS CITY – Miapila si City PNP Director Col. Jomar Alexis Yap sa publiko nga magkooperar ang tanan alang sa seguridad human nga nahitabo ang pagpamomba sa bus sa Tacurong City.
Matud pa ni Col. Yap nga nakig-alayon sila sa nagkadaiyang mga ahensya sa gobyerno nga masiguro ang kaluwasan sa tanan.
Ilang girekomenda usab sa mga bus company ipahigayon ang terminal to terminal lamang nga pagpasakay sa mga pasahero aron nga masiguro ang kaluwasan sa tanan.
Kini gumikan kung magpick og mga pasahero sa dalan dili na ma-inspection og pwede pahimuslan sa ubang mga dautang elemento. Ilang gikondina ang nahitabo gumikan mga inosente ang naangin.
Kahibaluan nga usa ang patay og 11 ang samaron sa maong insidente nga ang bus gikan sa Kidapawan City padulong sa General Santos City.
Ang kapulisan ang nagmugna na og Special Investigation Task Group (SITG) aron magtutok sa maong kaso.
