Mga gipailawom sa surprise drug test sa PDEA 12 pulos negatibo

GENERAL SANTOS CITY – Pulos negatibo ang mga drivers og conductors sa gipahigayon nga libreng drug test sa Philippine Drug Enforcment Agency (PDEA) 12.

Matud pa ni Kath Abad, tigpamaba sa PDEA 12 nga 31 ka mga bus drivers,11 ka van drivers og siyam ka konduktor sa dakbayan ang negatibo sa drug test ingon usab sa 48 ka mga bus drivers og duha ka konduktor sa Koronadal City.

Ang tumong aron nga masiguro nga luwas ang mga sakay sa nagkadaiyang bus sa dakbayan .

Kahibaluan nga sa ilang gihimong Oplan Harabas kagahapong adlawa kuyog ang mga personahe gikan sa Land Tranportation Office (LTO) 12, PNP og Land Transportation Franchising and Regulatory Board (LTFRB).

Sa maong panghitabo nga gipahigayon usab ang pag-inspection sa nagkadaiyang mga bus.