GENERAL SANTOS CITY – Bisag daghan na ang nakaadto sa mga sementeryo sa dakbayan sa miaging adlawng Sabado og Domingo apan gilauman gihapon ang daghang mga tawo nga magdagsa karong adlawa sa mga nagkadaiyang mga sam-ang sa syudad.
Matud pa ni City PNP Director Col. Jomar Alexis Yap nga todo alerto ang kapulisan sa pagbantay sa tibook syudad dili lamang sa mga sementeryo apan lakip sa mga pampublikong mga lugar susama sa malls, palengke, terminals, beaches og uban pa.
Miapila ang nasampit sa katawhan nga mahimong alerto og magreport sa mga otoridad kung may kadudahang tawo o butang aron makahimo og aksyon.
Nagpahinumdum ang nasampit nga bawal ang pagdala og pusil, mahait nga hinagiban, bino, baraha, karaoke, og sigarilyo sa sulod sa mga sementeryo.
Dili magsul-ob og alahas sa sulod sa sementeryo gumikan makaagni sa uban nga maghimo og dautan.
