REGION 12- Padayon pa ang assessment nga gihimo sa mga nagkadaiyang lokal nga gobyerno sa Region 12 gumikan sa nasinatian nga pagbaha nga hatud sa bagyong Paeng.
Matud pa kang Joriemae Baldemiano, spokesperson sa Office of the Civil Defense kon OCD 12 nga anaa sa duha na ang natala nga inisyal nga namatay nga gikan sa Kalamansig, Sultan Kudarat og Lake Sebu, South Cotabato nga pulos nalumos nga pulos lalaki.
Anaa sa 266 ka pamilya o 547 ka mga indibidwal ang inisyal nga report nga nadawat sa OCD 12 nga nanghingkling sa Pigcawayan, Cotabato.
Kahibaluan nga may nanghikling usab gikan sa Malapatan og sa Maasim Sarangani, South Cotabato, Lebak og Kalamsig sa Sultan Kudarat og sa GenSan.
Sa dakbayan adunay 42 ka pamilya o 180 ka mga indibidwals ang natala nga nanghikling.
Gawas sa Pigcawayan sa North Cotabato may natala usab nga pagbaha sa laing mga munisipyo sa maong probinsya sa Pikit, Alamada, Midsayap, Libungan og Aleosan.
