50 ka indibidwal nga apektado sa paghapak sa balud sa baybayon sa Tinago, nahatagan na ug pasiunang tabang sa LGU

GENERAL SANTOS CITY – Nahatagan na ug mga relief goods ang anaa sa 50 ka indibidwal nga apektado sa tidal surge miaging gabii sa baybayon sa Tinago, Brgy. Dad. South pinaagi ni Gensan Mayor Lorelie Pacquiao.

Pinaagi usab sa usa ka mensahe, nagpasalamat si Barangay South Captain Hon. Rock Garay sa Mayora kauban ang City Disaster Risk Reduction Management Office (CDRRMO) sa pagpanguna ni Dr. Bong Dacera sa hinanaling tabang human sa insedente.

Kahibaloan nga nasinatian sa mga residente sa lugar ang abnormalidad sa balud tungod sa high tide nga gibana-banaang miabot sa 1.5m gikan sa normal niini nga level gumikan dungan kini sa full moon nga maoy nakaapekto sa mokabat sa 50 ka pamilya ug gikaguba sa ilang mga panimalay.