Negosyante labing ulahing biktima sa pagpamusil patay sa Dakbayan

GENERAL SANTOS CITY – Kumpirmadong patay na ang biktima sa labing ulahing insidente sa pagpamusil sa dakbayan nga si John Daryl Baque, 27 anyos negosyante ug minyo base sa taho sa kapulisan.

Sa inisyal nga impormasyon sa Bula Police Station gipusil si Baque sa Central Public Market Cagampang Street Barangay Dadiangas South GenSan sa duha ka wala mailhing lalaki nga misibat human sa krimen sakay sa itom nga motorsiklo (Bajaj).

Samtang nagtuo ang Acting City director sa General Santos City Police Office (GSCPO) PCol. Jomar Alexis Yap nga anaa pa sa syudad ang namusil kang Baque hinungdan nga gi lockdown ang mga border pasulod ug pagawas sa syudad.

Nanawagan usab ang nasampit sa mga nakakita sa krimen nga makigtinabangay sa kapulisan.