GENERAL SANTOS CITY – Gibisita ni Police Col. Paul Bometivo, Acting City Director, si Police Cpl. Ryan Somodio nga naka confine sa usa ka tambalan human madunggaban ug icepick dihang nagpatuman ug Oplan Kapkap Bakal ug Oplan Sita kaniadtong Setyembre 26, 2022 sa gabii sa Aparente St. Brgy. City Heights ning syudad.
Gikumusta ni Col Bomitivo ang kahimtang sa iyang sakop ug gidayeg niini ang dedikasyon sa pagpatuman sa iyang katungdanan.
Kahinumduman nga gipangayu-an sa biktima ug lisensya ang suspek nga si Cesar Gavino Ruelan alyas Dodong apan gidunggab hinuon niini ang pulis ug naigo sa lawas nga bahin.
Nahitabo kini dihang gipahunong ang suspek sa gipahigayon nga checkpoint sa mga sakop sa San Isidro Police station.
Gani nadala pa sa hospital ang suspek apan nakutlua-n sa kinabuhi tungod sa mga samad nga naangkon.
Una nga girekomenda ni Atty. Rogelio Garcia nga kasuhan og homicide ang mga pulis nga naa sa checkpoint.
Bahala na matud pa ang korte nga mutan-aw sa kaso kung asa angayan ba nga patubagon ang mga pulis sa kasong administratibo og kasong homicide.
Katungod matud pa sa sa pamilya sa sikad driver nga mupasang-at og reklamo batok sa mga pulis.
