GENERAL SANTOS CITY – Makapatindog ug imprastraktura nga mas magpaanindot sa Dakbayan aron mutaas ang natad sa turismo, kini ang handum ni City Mayor Lorelie Geronimo Pacquiao dihang gipangunahan ang Groundbreaking Ceremony sa Queen Tuna Park Redevelopment Project kagahapong adlawa.
Ang naasoy nga proyekto adunay initial budget nga 20 million nga gani nakabutang na ang midaug nga bidder aron masugdan ang pagtrabaho niini.
Kauban sa proyekto ang pagbutang ug bay walk, recreation and activity areas, parking spot, ug uban pang amenities.
Gani dako ang pagpasalamat ni Barangay South Kapitan Rock Garay kang Gensan Mayor Lorelie Pacquiao nga napadayon gayud ang proyekto nga pipila ka tuig na usab gipaabut s a katawhan.
Naglaum pa si Garay nga dili lang para muanindot ang lugar apan alang usab sa economic activity aron nga ang atong Queen Tuna Park mahimong self-sustaining.
Ang ceremonial laying sa time capsule ang gipangunahan ni Mayor Pacquiao, pipila ka Konsehal, mga department head ug mga partner sa lokal nga gobyerno .
