GENERAL SANTOS CITY – Mitala na kaniadto sa saysenta pesos ang balor sa usa ka dolyar apan napugngan sa gobyerno human milihok ang mga negosyante nga Chinese sa Binondo.
Kini ang pahayag ni Ben Claudio, Presidente sa Gensan Chamber of Commerce and Industry Incorporated nga dili lamang karon mitala sa labing ubos nga balor ang peso kontra sa usa ka dolyar human mitala kagabii sa P58.50 ang usa ka dolyar.
Gipaklaro ni Claudio nga dili kini tugutan sa gobyerno nga mulampas pa sa saysenta ang baylo sa usa ka dolyar pinaagi sa usa ka interbensyon.
Apan kabaylo niini ang paggamay sa dollar reserves sa nasud hinungdan nga mangita na usab ug mga paagi nga marekober ang nawala nga reserves pinaagi sa pagpatuman sa dugang baynunon sa mga buhis.
Gikadugang pa niini nga dili kini lokal nga problema tungod dikta kini sa uban nasud hilabi na sa America nga mipataas sa ilang borrowings human naapektuhan ang ilang importation.
Samtang ang mahitabo magpataas ug presyo sa mga produkto sama sa delata ug mga imported goods.
Samtang giawhag niini ang price watchdog ang Department of Industry nga imonitor ang presyo sa palalaiton tungod sa posebilidad nga sakyan kini sa mga negosyante nga gusto nga mupahimulos sa panahon.
