GENERAL SANTOS CITY – Nagtuo si Brgy. Labangal Kapitan Reynaldo Clapiz nga hinimo-himo lamang ang demoliton sulod sa giilogan nga dapit sa Espina Brgy. Labangal ning Syudad.
Kini human gisulod sa gibanabanaang usa ka gatus ka mga tawo ang dapit apil ang presensya sa mga security guard.
Kini nakadawat ug impormasyon ang Barangay nga may nabati nga mga buto sa armas sa lugar hinungdan nga nagresponde kuyog ang Hepe sa Makar Police station.
Pagsaysay niini nga adunay 34 ka giingong sakop sa demolition team ang nakorner sa dapit hinungdan nga ilang girescue ug gidala sa Barangay gymnasium.
Didto matud pa nasuta nga ang nahisgutang mga tawo ang pulos taga Brgy. Bawing ning syudad, gipangkontrata matud pa nga magbutang ug koral sa lugar nga ginailugan.
Gipangbayaran matud pa ug tres syentos pesos luyo nga gisaaran nga hatagan ug tig P1,000 matag usa.
Matud ni Clapiz nga wala makaila ang nahisgutang mga tawo sa gitudlo nga lider tungod ang uban kanila ang nakadagan na.
Niadtong buntag sayu sa adlaw nga Dominggo nadunggan ang mga buto sa pusil sumala kang Kapitan Clapiz nga upat ang nasamdan ug nadala sa tambalanan samtang bersyon usab sa mga tawo sa lugar nga may upat ang napatay apil ang usa ka Kumander nga padayon pang gina beripika.
