Dili tugutan sa Miss General Santos 2022 Organization nga magpadayon ang pagpang bully sa mga nitizen sa usa ka kandidata nga apil nga murampa sa Miss General Santos 2022.
Nagsugod ang pagpang bully dihang gipakita na ang mga hulagway sa kandidata ug usa kanila ang gidaot pinaagi sa mga negatibo nga komento.
Luyo niini gidepensahan sa Miss General Santos 2022 Organization ang nahisgutang kandidata nga gani midangop na sila sa mga otiridad aron mahibaw-an kinsa kining gagamit ug dummy account nga nag bully sa usa ka kandidata.
Gani miubos ang kaikag sa kandidata sa pag-apil sa beauty pageant human gibutyag nga muatras na lamang base sa pahayag sa iyang handler.
Sa mao nga sitwasyon daghan ang mihatag ug suporta ngadto sa kandidata nga ipadayon ang pag-apil sa Miss Gensan nga ipahigayon ala una hapon sa Veranza Mall ning Syudad karong adlaw nga Dominggo.
Nasuta nga gikumpirma sa General Santos City Chamber of Commerce and Industry, Inc., nga star-studded ang giimbitahan nga panel of judges ug mga guests celebrities sama nilang National Director of Miss Universe Philippines Organization ug 3rd Runner-up Miss Universe 2011 Miss Shamcey Supsup, Maxine Media Miss Universe Philippines 2016, Miss Multinational 2018, Actress and Season 97 NCAA Host Sopia Senoron, Miss Eco International 2018, Actress Thia Tomalla, Benjamen Alvez Award Winning Actor, Host and Model ug Christian Bautista Asia’s Pop Idol.
