GENERAL SANTOS CITY – Gitinuod ni Gensan Mayor Lorelie Pacquiao ang pagtunol ug hinabang pinansyal sa mga biktima sa demiliton sa Lagao national Highway kaniadtong Agusto 31 niining tuiga.
Kini human miadto sa buhatan sa Mayor kagahapong adlawa ang mga biktima human misaad ang nahisgutan nga panghatagan ug cash assistance.
Sulod sa conference room usa- usa nga gitunulan s a mayor ug sobre nga adunay tres mil pesos hangtud kinse mil pesos.
Lakip sa nahatagan sa susama nga hinabang ang mga person with disability lakip ang pipila ka biktima sa sunog nga nahitabo.
Naa sa maong higayon ang pipila ka sakop sa City Social Welfare and Development Office nga mitabang sa pagtunol sa ayuda.
Ang mga benipisyaryo ang gikan sa nagkadaiyang mga barangay sa syudad.
Sa mensahe sa Mayor nga andam mutabang ang iyang buhatan sa mga generals nga nanginahanglan niini.
Matud niini nga isip usa ka Inahan dili muondang sa pagpangita ug mga paagi sa paghatag ug hinabang.
