GENERAL SANTOS CITY – Dungan sa pag-abli sa klase sa usa ka Unibersidad ning Syudad, ang Association of MSU Riders mopahigayon og libreng sakay alang sa mga Iskolar ng Bayan dinhi sa Dakbayan karong adlawa Septiyembre 12, dungan sa unang adlaw sa pagpatuman sa face to face classes sa maong tulunghaan.
Matod sa presidente sa asosasyon nga si Mr. Erson C. Decenorio, buot sa mga riders nga tabangan ang mga estudyante tungod kay nahibal-an nila nga lisud ang pagtuon taliwala sa pandemya.
Bisan kini gamay nga tabang, apan adunay dako nga epekto sa mga magtutungha.
Dugang pa niini, kini nga aksyon makatabang kaayo sa pag-ila sa asosasyon nga kanunay nga akreditado ug talagsaon nga pagdumala sa pagbiyahe sulod sa unibersidad.
Gihatagan usab niini og gibug-aton nga kini mahitabo lamang sulod sa campus ug dili maglakip sa mga estudyante nga mogawas sa unibersidad.
Magsugod kini sa alas otso hangtod alas onse sa buntag diin magpahigayon usab sila ug caravan.
Sa pikas bahin, nagpahimangno usab ang nahisgutan alang sa mga magtutungha nga aron malikayan ang mga dautang panghitabo, likayan ang pagpagawas-gawas sa mga cellphone o bisan unsa nga init sa mga mata sa mga holdapers ug likayan usab ang pagsakay sa mga drayber nga wala mag-uniporme isip timaan sa ilang asosasyon, kining mga uniporme sa mga drayber mao ang blue, maroon, puti, green ug adunay logo sa MSU-GSC.
Ang Mindanao State University usa sa mga ginaila nga Unibersidad ug naga representa sa Dakbayan sa aspeto sa Akademiko.
