GENERAL SANTOS CITY – Nag warning nga ipadakop sa LGU Gensan ug ipasirado ang mga shop nga padayon nga gahimo ug side car sa trysikel human miabut na ug trenta mil ang mga traysikel nga gapamasada sa Dakbayan. Matud ni Konsehal Dominador Lagare Jr. nga angayan nga nueve mil lamang ang magdagan nga traysikel sa syudad hinungdan nga nagkagoot ang mga traysikel sa syudad.
Isip Chairman sa Committee sa Transportation nanawagan kini sa mga green plate nga magpa myembro sa tulo ka cluster aron mahimo nga kooperatiba.
Dinhi sa Syudad adunay cluster nga puti, apple green, ug pula.
Tumong matud pa sa syudad aron ma-regulate ang naasoy nga moda sa transportasyon.
Gumikan matud pa sa padayon nga pagsulod sa mga traysikel gikan sa ubang lugar magbutang ug boarder control ang syudad aron dili na makasulod ang nahisgutang mga trasikel aron muluag ang trapiko.
Gikadugang pa ni Lagare nga gipanday sa iyang komitiba ang traffic management plan nga maghan-ay sa transportasyon sa syudad.
Apan kining tanan gikwestyon ni Atty. Emmanuel Fontanilla tungod ang giingon matud pa ni Lagare nga ipadakop ang mga tighimo ug sidecar ang walay basihan tungod walay balaud nga namugna ang Konseho sa syudad.
