GENERAL SANTOS SANTOS – Padayon ang pagpangita sa kapulisan sa mga responsable sa pag ambush patay sa Chief of Police sa Ampatu-an Maguindanao kuyog sa iyang driver ug pagkasamad sa lain pang tulo ka mga kauban.
Kini human gikondina ni PRO BARMM Regional Director Brig. General John Goygoyon ang mangilngig nga pagpatay kang Lt. Reynaldo Samson ug Police Corporal Salipuden Endab.
Matud ni General Gorgoyon nga katabang nila ang mga Inteligience counterpart aron pagkuha ug mga ilhanan sa mga suspek.
Kagahapon sa kuyog ni Lt. Samson ang upat ka mga sakop ang miadto sa Barangay Kapinpilan, Ampatu-an Maguindanao aron i-serve unta ang Warrant of Arrest sa batuk sa wanted person apan gibanhigan nga nagresulta sa kamatayon sa mga biktima.
Matud ni Gorgoyon nga sa ilang area of responbility adunay mukapin sa tres mil ka mga wanted person ang target sa One Time Bigtime Operation.
Posible matud pa may nakahibalo sa presensya sa nahisgutang mga police ug didto gihimo ang krimen.
Gipasalig niini sa kabanay sa mga biktima nga hatagan sa hustisya ang nahitabo ug ipresenta sa korte aron kasuhan.
Matud niini nga naglihok na ang puthaw nga kamot sa otoridad aron pangitaon ang mga responsable.
Sa maong panghitabo samdan ang tulo ka mga Pulis nga silang Police Master Sergeant Reynante Quinalayo, PCpl. Rogelio Dela Cuesta Jr. , PCpl. Clint Marc Dayaday nga nadala sa tambalanan.
