GENERAL SANTOS CITY – Giagi na lamang sa pagpamalikas ang pagkadismaya sa mga residente nga pakyas makakuha sa payout gikan sa gobyerno luyo nga ang uban kanila ang walay tulog nga milinya sa pamasin nga matagaan sa educational cash assistance.
Kini human wala sa listahan sa usa ka gatos ka benipisyaryo nga nakakuha ug priority number niadtong adlaw nga sabado.
Nasuta nga hapon pa lamang may nangabot na nga residente nga dili taga Bula apan taga Barangay San Jose, Labangal ug aduna usab taga Alabel Sarangani ang miadto sa Bula Gymnasium.
Kasagaran sa mga pakyas miangkon nga wala sila nakadawat ug kompirmasyon gikan sa DSWD human gibutyag ni DSWD 12 Director Restituto Macuto nga iagi sa online ang transaction human dili na mudawat pa ug walk-ins.
Ang mga nahisgutan ang nanghinaot nga bisan ug wala ang naasoy nga kompirmasyon tungod nakahatag ug mga papeles.
Gipaklaro nga kadtong usa ka gatos ang nakakompleto sa gipangayu nga rekositos ug nakadawat ug kompirmasyon ug naa usab ang ilang pangalan sa listahan sa ilang buhatan.
Nasuta nga mihatag ug waitlist ang Barangay nga anaa sa 300 busa daghan ang milinya bisan ug sobra-sobra na.
