GENERAL SANTOS CITY – Nalampasan sa ilang paniudto ang taga Gensan Chamber of Commerce sa paghulat aron maaprubahan sa Sangunian Panglungsod ang resolosyon aron paghatag ug gahum kang Gensan Mayor Lorelie Pacquiao sa pagpirma ug Memorandum of Agreement sa grupo sa mga negosyante nga mupadagan sa Tuna festival karong tuiga.
Pagsaysay ni Ben Claudio, Presidente sa Gensan Chanmber of Commerce nga alas singko pasado na dihang nahatagan sila ug accreditation sa Konseho guniksn nagpaabut sila sa ilang torno nga makaatubang sa Konseho atul sa ikatulo nga regular sesyon nakabalay nga adlaw.
Pagsaysay niini nga kung mapirmahan na ni Mayor Pacquiao ang MOA karong adlawng Lunes, magpatawag gilayon ug tigum sa mga coordinator ug mga vendor sa flea market.
Pagka karon matud pa, ang control sa mga food court ug mga kalingawan sa plaza ang anaa pa sa LGU.
Una ng gibutyag nga pinasahi ang pagsaulog sa Tuna festival niining tuiga tungod daghan ang mga aktibidad ang matigayon.
Matud ni Ben Claudio nga ipahigayon ang Grand celebration sa Tuna Festival karong Septembre singko apan sa Septembre trenta pa ang culmination.
Gikadugang ni Claudio nga daghang bisita ang takda nga muabut sa dakbayan karong Septembre uno si RTWPB Secretary Laguesma ug Septembre dos si DILG Secretary Benjur Abalos.
Gipaklaro niini nga ang syudad gihapon maoy muatiman sa mga bisita lakip na sa ilang hotel accommodations.
