GENERAL SANTOS CITY – Pabor si Atty. Teodoro Sales sa “same sex” civil union” ug “Same sex marriage” nga ginaduso ni Senador Robinhood Padilla sa Senado. Isip liberal, iyang gipaburan ang panagminyo sa parehas lalaki ug parehas nga babaye.
Isip usa ka abogado nasayod matud pa siya nga dakong supak sa maong hisgutanan ang simbahang katoliko nga kaniadto pa ginababagan ang susama nga sogyot.
Rason niini nga adunay patas nga katungod ang babaye ug lalaki luyo sa mga deskriminasyon.
Ang ginaduso matud pa ni Senador Padilla nga civil union ang susama sa interpretasyon nga same sex marriage nga giduso na kaniadto sa balay balauranan pinaagi ni Rep. Pantaleon Alvarez apan wala nagmalampuson tungod napasagdan ug kakulang matud pa sa research.
Kung maayo matud pa ang research ni Padilla sa maong hisgutanan posebli nga makalusot kini ug malipay unya ang LGBTQ community.
Dugang pa sa Abogado nga ang same sex marriage ang aprubado na sa 32 ka nasud.
Giangkon usab niini nga iya nga personal nga panan-aw ang paghatag ug katungod nga makasal ang lalaki sa laing lalaki mao usab sa babaye sukwahi sa ginatugutan sa simbahan nga ang babaye ang ikasal sa usa ka lalaki.
