GENERAL SANTOS CITY – Aprubado na sa City Treasurers Office ang Payroll sa mga Senior Citizen sa Syudad alang sa ilang birthday cash gift nga P2,000. Luyo niini adunay kalibug si City Treasurer Zenaida Eturma kung apil ba nga mahatagan sa maong cash gift kadtong mga Senior Citizen nga nagsaulog sa ilang birthday kaniadtong bulan sa Hunyo ug Hulyo tungod ang taga City Social Welfare and Development ug ang Office of the Senior Citizens Affairs man ang nasayod niini.
Nasuta nga mukabat sa 1,920 ka mga Senior Citizens ang makadawat sa maong cash incentives. Matud ni Eturma nga gipaandam lamang kanila sa naasoy nga mga buhatan nga andamon ang kwarta una muabot ang Agusto 17 samtang gipaabot ang detalye kung asa nga barangay ang unang matunulan sa maong cash gift.
