GENERAL SANTOS CITY – Ihatud sa taga TEMPCo ngadto sa ilang tagsa-tagsa ka mga panimalay ang mga patayng lawas sa mga biktima sa pagkaligid sa commuter van nga gisakyan sa katorse ka mga empleyado nga gikan sa Team Building activity sa Davao Del Norte. Kini ang pasalig ni Roel Florez human gibisita sa nahisgutan ang punerarya nga gidad-an sa mga biktima.
Gisaysay niini nga abagahon sa kooperatiba ang bayrunon sa hospital lakip ang pagpalubong sa mga biktima. Personal niining giadtu-an ang punerarya aron maestoya ang mga kabanay sa namatay nga mga biktima og mao usab ang gihimo niini dihang giadtu-an ang hospital nga gidad-an sa upat ka mga empliyada.
Nasuta usab nga gibantayan sa taga TEMPCO ang kahimtang sa upat ka mga biktima tungod ang mga nahisgutan maoy maghulagway sa tinuod nahitabo tungod namatay man lakip ang driver sa commuter van nga si Noel Pudadera. Kahinumdoman nga una ng gipasalig ni Gensan Mayor Lorelie Pacquiao nga mudawat ug kinse mil pesos ang nahibilin nga pamilya sa mga biktima kung asa ang pundo gikan sa lokal nga panggamhanan
