GENERAL SANTOS CITY | Abli ang pultahan sa City Sports Division sa pag-abut ni IBO Featherweight Champion Dave Apolinario.
Kini ang pahayag ni Sannie Sombrio sa City Sports Division dungan sa pagbutyag nga nakig-alayon sa buhatan ni Jessie Manangquil sa SanMan Promotions alang sa pagpauli sa bag-ong world champion. Gikadugang ni Sombrio nga mag-agad lamang sila sa plano sa promotions ni Apolinario samtang gapaabut sa opisyal nga kumunikasyon aron mapangandaman usab ang maong higayon. Gani nalipay matud pa ang Dakbayan sa pagdaug sa 23 anyos nga Boksidor human gibitbit ang bandera sa Gensan dihang miaway sa ubang nasud ang nahisgutang Boksidor.
Garbo matud pa sa dakbayan ang kadaugan sa batan-ong Boksidor nga adunay dise syete ka daug walay pildi ug dose ang knockout. Parehas matud pa sa pagtrato sa syudad sa ubang nga champion may giandam kini nga cash incentives. Gani, andam na matud pa ang buhatan sa Mayor aron i-welcome ang bag-ong Champion.
