GENERAL SANTOS CITY | Luyo sa padayon nga kabalaka sa african swine fever nga miigo sa barangay Balu-an, direktang giangkon sa pipila ka nagnegosyo ug lechon nga naipit sila sa sitwasyon human nahitabo ang pag culling sa pipila ka baboy sa barangay Baluan. Kini tungod migamay ang lugar dinhi sa syudad nga kakuhaan ug baboy alang sa ilang negosyo.
Kung kaniadto mas luag pa ang kuhaan ug baboy luyo nga nagpositibu sa ASF ang mga baboy sa Purok San Lorenzo Apopong, mas migamay pa karon tungod ang Barangay Balu-an ang nahimutang sa sidlakang bahin sa syudad hinungdan nga nagmahal ang paliton nga baboy.
Nasuta nga wala na gapalit ug baboy ang mga lechonan sa dakbayan tungod pulos dinhi lamang sa syudad gikan ang baboy nga ilang lutu-on luyo nga apektado ang ilang negosyo tungod nahadlok usab ang mga consumer sa kahadlok sa ASF.
Una ng gibutyag sa City Vetirinary Office nga may pipila ka pwesto nga gatinda ug lechon ang miundang tungod sa ASF. Nagpatabang matud pa ang pipila ka negosyante sa City Vet aron dili maapektuhan ang ilang negosyo.
