GENERAL SANTOS CITY | May dakong backlog pa ang Sangunian panglungsod sa 19th council nga wala pa matapos. Kini ang pagpaklaro ni Vice Mayor Rosalita Nuñez mao nga nagpahigayon ug seminar sa mga executive assistant sa matag Konsehal. Matud ni Nuñes nga sa nakalabay nga konseho nga iyang gilakipan pulos nakahimo ug daghang resolosyon ang iyang mga kauban apan kining tanan iyang nabisto dihang milingkod na nga Vice Mayor human nagpatawag ug tigum sa mga stenographer sa Sangunian Panglungsod. Gawas kaniya ug si Konsehal Edmar Yumang ang uban nga Konsehal ang igo lamang musulti sa mga staff sa Sangunian nga magfile ug resolosyon apan ang nahisgutang mga staff na ang musulat ug muhan-ay sa gipanday nga balaud. Matud ni Nuñez nga sa iyang panahon dili na ang mga stenographer ang muhimo niini kundi ang mga staff sa matag Konsehal tungod gadawatan ug dagko nga sweldo matag bulan hinungdan nga iyang giseminar.
Kini usab ang hinungdan nganong ulahi sila nag pahigayon ug sesyon apan gipaniguro niini nga nasulod gihapon sa prescribe period nga gilatid sa Civil Service Commission. Nasuta nga matag Konsehal adunay unom ka mga empliyado kung asa ang mga executive assistant may sweldo nga P42,000 matag bulan.
