GENERAL SANTOS CITY- Gitulis ang usa ka convenience store sa Barangay San Isidro ning dakbayan sa Heneral Santos sa mga wala pa mailhing tulisan kaganihang alas tres sa kaadlawon.
Sumala pa sa usa ka customer nga biktima usab sa maong pagpanulis nga si Alyas Jong, unom ka mga suspek ang miatake sa maong convenience store.
Ang lima ka magbarkada nga gikan sa gimik ug nakadesisyon nga muhapit sa maong tindahan aron nga mupalit ug makaon apan wala sila magdahum nga sa ilang pag sulod ilang mahimamat ang mga suspek.
Nakuha sa mga suspek ang upat ka cellphone ug duha ka pitaka nga may sulod nga P6,500. Gikabutyag nga may edad na ang mga suspek nga may sul-ob nga tube mask ug kalo.
Sa pagkakaron ginaimberstigahan pa sa kapulisan ang mga personahe nga angpaluyo sa maong pagpanulis.
