GENERAL SANTOS CITY – Tanan apektado sa pagmahal sa petrolyo dili lamang ang sektor sa panagatan, kundi apil ang uban usab nga sektor.
Matud ni fishing magnate Marfenio Tan nga dako ang epekto niini sa ekonomiya ang padayon nga pagsaka sa presyo sa petrolyo.
Tungod matud pa sa gyera nga nahitabo sa Ukraine ug Russia tanan nga nasud ang nag -agwanta sa epekto busa misaka ang presyo sa krudo, gasolina ug kerosena apil usab ang agricultural sector ang nagpait .
Gikadugang ni Tan nga ang kasagaran sa fishing sector sa syudad ang mipagamay ug singkwenta porsyento sa manpower aron mapadayon ang ilang operation luyo sa dako nga galastuhan hinungdan nga apektado ang mga cannery ug uban nga negosyo.
Pagsaysay niini nga midako ang ilang operating expenses apan wala midaghan ang produkto busa nakasinate ug inbalance. Hinuon walay mihunong sa commercial fishing tungod musugal ang mga tag-iya bisan sa dagko nga galastuhan.
