SARANGANI PROVINCE – Patay ng nakaplagan kagahapong adlawa ang usa ka lalaki sa Prk3 Shrine, brgy poblacion, Maasim Sarangani Province human matud pa nagpusil sa iyang kaugalingon.
Giila ang biktima nga si Ebenezer Castanares Lanoy, ulitawo , 3rd year college student nga residente sa Prk 4,Brgy Colon Maasim Sarangani Province.
Sa imbestigasyon nilang Police Major Robert Fores, ang biktima adunay usa ka samad sa iyang suwang samtang nakita ang usa ka chamber loaded nga caliber 45 pistol sa lugar.
Sa pahayag sa amahan sa biktima nga nananghid matud pa ang anak nga muadto sa simbahan apan wala na kini makabalaik pa.
Matud sa kapulisan nga hulaton na lamang ang resulta sa gihimong pagsusi sa scene of crime operatives aron mahibaw-an kung walay foul play ang insidente.
