GENERAL SANTOS CITY – Nagdeploy ang General Santos City Police Office ug dose ka mga bus marshals sa syudad nga maoy mag inspeksyon sulod sa bus ug mag-uban gikan sa Bulaong terminal hangtod sa border sa syudad.
Ang maong lakang human nga natigayon ang sunod sunod nga bombing sa Koronadal City ug Tacurong City, ug uban pang lugar gawas sa rehiyon-12.
Matud kang PCol. Paul Bometivo ang labaw sa kapulisan sa syudad nga tumong sa maong lakang aron nga masiguro ang kaluwasan sa mga pasahero.
Sa pagpahugot sa pagbantay sa mga terminal lakip na niini ang pagpakatag ug mga Police personnel sa mga van sa syudad ug uban pang pampublikong lugar sa dakbayan, apan giklaro niini nga ang mga Marshall gibutang lamang alang sa mga bus samtang sa mga van mga security personnels.
Nanagawagan usab si PCol Bometivo sa publiko nga mas mamahimong alerto ug gilayng ireport sa otoridad kung may mamatikdan nga kadudahang tawo o butang.
