GENERAL SANTOS CITY – Subli nga magpahigayon ug mass mobilization ugmang adlawa aron ipadungog ang pagbabag sa open pit mining ug ang panawagan alang kang South Cotabato Gopvernor Reynbaldo Tamayo nga i veto ang bag-ong mugna nga balaud sa Sanggunian Panlalawigan alang sa pagtugot sa open pit mining.
Gibutyag ni Atty Noel Ben sa Social Action sa Diocese of Marbel nga sa Hunyo 4 na matud pa mahibal an ang desisyon ni Gov. Tamayo kung permahan niini o e veto ang pagtugot sa operasyon sa open pit mining busa sa karon padayon gihapon ang panawagan sa simbahan nga magpahigayon ug panagtipon atubang sa kapitolyo aron iapila nga pugngan ang open pit mining nga ipahigayon sa Tampakan south Cotabato.
Una nang nanawagan si Fr Ricky Legario ang Parish Priest sa Sto Nino de Bula nga manghulam u abangan ang mga dagkong sakyanan nga sakyan sa kinyentos ka mga tawo paignon sa Koronadal aron mupahigayon ug usa ka adlaw nga panagtipon sa katawhan didto sa South Cotabato.
