May heroes welcome nga nagpaabot alang sa Muay Thai player nga si Richien Yosores nga taga dakbayan human nakasakmit ug gold medal sa nagpadayon nga 31st Sea Games sa Hanoi Vietnam. Kini ang pasalig ni Lady Manalo, sports coordinator sa dakbayan human gikompirma sa nahisgutan ang kalampusan sa Gensan pride athlete.
Matud niini nga nagpadayon ang pakiglambigit kang Yosores alang sa pagpauli niini tungod hatagan kini ug Heroes Welcome kauban sa lain pang tulo ka mga atleta nga miapil sa nagkalin laing padula. Pag-ila niini kang Yosores nga kanhi nga gipadala sa Batang Pinoy ug dihang madeskubre gikuha sa Philippine Team.
Una milarga paduong sa Hanoi, Vietnam nagbansay pa ang nahisgutang Muay Thai player didto sa Benguet kauban sa iyang coach.
Matud ni Manalo nga gawas sa Muay Thai may partisipante usab nga taga Gensan sa Lawn tennis, athletics ug gymnastics.
Base sa ordinance number 30 ang kinsa mang atleta nga makakuha ug medalya sa mga komptisyon sa gawas sa nasud ang mudawat ug cash incentives.
