GENERAL SANTOS CITY – Adunay basihan ang opinyon ni Presidenting Rodrigo Duterte kalabutan sa panagawan niini sa sunod nga adminitrasyon nga tangtangon na ang partylist sa kongreso, kini ang gibutyag ni Atty Rey Cartojano Co anhor sa Duralex Sedlex sa Bombo Radyo Gensan.
Matud pa kang Atty Cartojano nga sa iyang tan aw opinyon kini ni Duterte tungod sa iyang pagkadismaya sa systemang politikal gumikan dako ang kalahian sa mga kinaiya sa mga magbabalaod kaniadto ug karon.
Gikadugang pa ni Atty Cartojano nga adunay punto si Pangulong Duterte sa buot niyang mahitabo gumikan bisan paman nga may mga partylist nga padayon nga nagrepresenta sa ilang sektor apan kasagaran kanila wala na magrepresenta sa marginalized sectors.
Una nga gisogyot ni Pangulo Duterte sa musunod nga Pangulo sa nasud nga wad-on na ang partylist tungod gigamit nga prontalya sa walhong grupo aron dauton ang gobyerno.
