Katawhan giawhag nga respitohon ang resulta sa election – Atty. Salazar

GENERAL SANTOS CITY – Gihingusgan ni Atty. Luis Salazar,usa sa mga abogado sa dakbayan nga respitohon kung unsa man ang resulta sa election.

Matud pa niini nga ang election ang usa ka demokratikong proseso sa pagpili sa mga opisyal sa nasud.

Sa iyang pamahayag nga kung magprotesta angayang ipaagi sa legal nga proseso og dili protesta sa kadalanan tungod daghan ang ma-istorbo.

Miapila ang nasampit nga angayang undangon na ang protesta kung asa magmove on alang sa nasud.

Kung tinood nga may pagpanikas nga nahitabo sa election angayang magpresenta og mga ebedensya og ipaagi sa proseso.

Gikadugang pa niini nga normal ang proseso nga may magdaog o mapildi.