GENERAL SANTOS CITY – Nagpasalamat si Atty. Renato Magbutay, Comelec regional 12 director sa tanan nga nahimong malampuson og malinawon ang election.
Matud pa ni Magbutay nga walay mga dagkong panghitabo nga natala sa Rehiyon 12 nga makapadelatar sa election.
Ang kasagarang problema nga nasinatian ang kalabutan sa vote counting machines (VCM) nga gapalyar.
Ang ubang magmal-function nga magresulta sa dugay nga pagboto.
Ang ubang nga VCMs nga mag-init sa pag-imprinta hinungdan nga madugayan ang proseso.
Kahibaluan nga bisag taas ang pila nag-antus ang mga botante aron makaboto nga nagpasabot nga buhi ang demokrasya sa nasud.
Gipaklaro ni Atty. Magbutay nga walay nasupak nga patakaran ang Comelec nga gipadayon sa pagboto ang katawhan tungod daut ang VCM.
Ang gihimo nga gibutang sa usa ka karton ang balota og gipapirma sa waiver nga nagpasabot nga gihatag ang katungod sa mga miyembro sa electoral board nga mag-feed sa balota.
Dili usab mabalaka gumikan may mga watchers nga nakatan-aw og ang tanan na-ihap.
