GENERAL SANTOS CITY – May matigayon nga debate sa umaabot nga Abril 30 adlawng Sabado ala 1 hangtod alas 6 sa gabie sa Calumpang gymnasium nga gitawag ug eLEKSYON mayoralty debate , vice mayoralty and congressional interviews.
Ang maong debate gi organisa sa Sangguniang Kabataan sa Calumpang ug Calumpang Youth Debate Society nga may koordinasyon sa COMELEC Gensan kung asa partner niini ang Bombo Radyo Gensan.
Matud kang Jurnelene Lei Ugos – Calumpang Youth Debate Society president nga ang tumong sa maong debate aron nga madunggan sa katawhan ang nagkadaiyang plataporma sa mga kandidato ingon man aron ipaabot sa katawhan nga ang maong aktibidad alang gayud kanila.
Gikabutyag usab niini nga hangtod Round 6 ang mahitabong debate kung asa may mapili ug unom ka pangutana gikan publiko pinaagi sa pagpost sa ilang page sa fb ug mga panguta.
Ang maong programa may tema nga Boto ko ipaglaban mo , kinabukasan na pamilya ko.
