SARANGANI – Nakasinati ug makusog nga pag ulan ug huros sa hangin ang pipila ka bahin sa Sarangani tungod sa bagyong Agaton luyo nga gibutyag sa PAGASA nga padayong galihok padulong sa kasadpan nga direksyon ang maong Tropical Storm.
Bisan paman nga mas apektado karon ang Biliran, Eastern Samar, Southern Samar, Northeastern Leyte ug Nothern Dinagat Islands dili malimod nga natagamtaman ang presensya sa bagyong Agaton diri sa Mindanao hilabi na sa Sarangani Province ug pipila pa ka mga lugar sa Rehiyon-12.
Ang Malapatan Sarangani Province nakasinati ug pagbaha ug pagkatumba sa mga kahoy dala sa makusog nga pag ulan ug paghuros sa hangin kung asa gikabutyag nga pipila ka mga panimalay ang nadat ugan sa mga natumbang kahoy.
Gilayon matud pa nga miresponde ang Municipal Disaster Risk Reduction and Management Office (MDRRMO) para tabangan ang mga residente nga naperwisyo.
Sa pagkakaron nagmugna pa ug beripikasyon ang MDDRMO kalabutan sa kalapdon sa danyos tungod sa laing dagan sa panahon.
Samtang sa bahin sa Glan Sarangani makita ang makusog nga balod sa dagat nga miguba sa mga dloting cottage ug floting bridge sa usa ka resort sa mong munisipalidad ug nakasinati ug brown dugay nga brown out.
