GENERAL SANTOS CITY – Gatuo si Dr. Butch Peñamante, presidente sa Gensan Medical Society nga gumikan sa padayon nga pag-ubos sa kaso sa COVID 19 nagkumpyansa ang katawhan hinungdan nga wala nagpabakuna o booster dose batok sa maong virus.
Hinoon iyang gihingusgan nga dili magkampante ang publiko gumikan ang bakuna ang epektibo og napamtud-an na .
Gawas pa nga dili usab angayang balewalaon ang pagtuman sa health standards.
Samtang daghan pa sa mga target nga senior citizens ang wala nabakunahan batok sa COVID 19 nga maoy gipaningkamutan nga makumbinsi nga magpabakuna.
Kini ang rason nganong ang GenSan ang nagpabilin nga anaa sa alert level 2 bisag kapin na sa 70% ang nabakunahan.
Matud ni Dr. Peñamante nga lakip sa rekositos nga mahimong malakip sa alert level 1 kung 70% na sa mga senior citizens ang fully vaccinated.
