SARANGANI – Giimbestigahan pa sa kapulisan kung may foul play ang kamatayon sa usa ka lalake nga nakaplagan sa baybayon sa Prk 4, Brgy. Ladol, Alabel, Sarangani Province.
Ang maong lalake ang nailhan sa pangalan nga si Roberto Gomez Escorial, single, 50 anyos og residnete sa Prk. Naval, Brgy. San isidro, ning dakbayan.
Gibutyag ni Police Master Sargeant Joeffrey Nebria, sa Alabel Municipal Police Station nga nakadawat sila og tawag nga may patayng lawas nga nakit-an.
Gibutyag nga wala nakaila ang mga tawo sa lugar hangtud nga miabot ang igsoon sa biktima og nailhan kung kinsa ang nasampit.
Matud pa nga ang biktima ang sakit nga epilepsy. Sumala pa ni Ana Liza, igsoon sa biktima nga bag-0 lang kanila ang maong lalake kung asa wala damha ang nahitabo.
Sa dihang nagmata sila wala na ang iyang igsoon ilang balay hinungdan nga gipangita nila, pinaagi sa video sa social media nasayran kung unsa ang nahitabo.
