GENERAL SANTOS CITY – Laing 12 ka mga sakop sa Bangsamoro Islamic Freedom fighters (BIFF) ang mibalik sa sabakan sa gobyerno samtang bitbit ang mga tag-as nga kalibre sa armas.
Ang mga nahisgutan ang sakop sa Karialan Faction ang nagsurender sa 40th Infantry Battalion sa Brgy. Kabengi, Datu Saudi Ampatuan, Maguindanao.
Matud ni Colonel Oriel Pangcog, Commander sa 601st Infantry Brigade nga nagtinabangay ang mga sundalo, kapulisan ug Local government Unit alang sa malampuson nga pagsurender.
Gikadugang ni Col. Pangcog nga gidawat ni Lieutenant Colonel Edwin Alburo, Commanding Officer sa 40thIB ang 12 ka mga pusil.
Gikadugang ni Pangcog ang 12 ka kanhi rebelde ang nakadawat ug hinabang gikan sa gobyerno.
Padayon usab nga gipailawom ang mga nahisgutan sa custodial debriefing sa mga otoridad.
