GENERAL SANTOS CITY – Bisag ang GenSan lang sa tibook rehiyon 12 ang nakaangkon og kapin sa 70% sa target population ang nabakunahan batok sa COVID 19 apan dili kini paigo aron nga malakip sa alert level 1 ang dakbayan.
Matud pa ni Dr. Jet Oco nga kini gumikan daghan sa mga senior citizen nga lakip sa vulnerable sektor ang wala pa nabakunahan batok sa virus.
Kini tungod gikulang pa ug 5,000 mga senior citizen ang wala maturukan ug bakuna sa mga health workers busa gipahigayon ang house to house aron makumbinsi ang mga nahisgutan nga angayan nga mapabakuna.
Gibutyag ni Dr. Oco nga ang mga nagdumili nga magbakuna batok sa COVID 19 ang nahadlok gumikan nagduha-duha kung epektibo o luwas ang bakuna.
Sumala pa sa nahisgutang opisyal nga sa kapin sa 300 ka mga taga GenSan nga fuilly vaccinated batok sa COVID 19 walay natala nga adverse event hinungdan nga walay angayang kabalak-an ang katawhan.
