GENERAL SANTOS CITY – Gihingusgan ni Dr. Antonio Marin, department head sa City Veterinary Office dili pa pwede nga magbuhi og baboy ang taga Purok San Lorenzo Ruiz, Apopong ning dakbayan nga may natala nga kaso sa african swine fever kon ASF.
Matud pa ni Dr.Marin nga under observation ang Purok San Lorenzo Ruiz, sulod sa 180 ka adlaw.
Gikadugang pa niini nga kung walay magbuhi og baboy sa maong lugar mamatay usab ang ASF gumikan walay host.
Ang Department of Agriculture ang maoy magdeklara og ASF free ang usa ka lugar nga infected sa maong virus.
Nagpasalamat ang nahisgutang opisyal gumikan ang tanang nadawat nila nga report ning ulahing mga adlaw nga may namatay nga baboy ang nasuta nga negatibo sa ASF.
Kahibaluan nga hugot nga nakatutok ang dakbayan sa ASF gumikan dako ang hog industry sa syudad nga usa na sa mga supplier sa baboy sa kauluhan.
