GENERAL SANTOS CITY – Andam na ang kapulisan sa Sarangani Province sa summer season sa pagdagsa sa mga tawo aron nga magbakasyon.
Matud pa kang Police Major Benjie Ancheta, information officer sa Sarangani Police Provincial Office nga matag summer season adunay programa nga gitawag ug Oplan Sumvac aron nga mahimong luwas ang mga bakasyonista.
Gikadugang pa niini nga han-ay na ang tanang mga security preparations sa pito ka munisipyo sa Sarangani.
Base sa kamanduan ni P/Col. Nicodemes Olaivar nga hugot nga bantayan ang kadalanan og kadagatan nga mahimong luwas nga makaabot sa destinasyon og makapauli ang mga nagbakasyon.
Kahibaluan nga ang Sarangani ang nag-unang tourist destination sa Region 12 gumikan sa ilang white sand beaches og uban pa nga mga tourist attractions.
