GENERAL SANTOS CITY – Hugot ang gihimong imbestigasyon sa Makar Police Station kung kinsa ang nagbilin sa usa ka fetus nga lalake sa Purok 8, Yusaville, Sinawal ning dakbayan.
Nasayran nga mga bata ang nakakita sa maong fetus nga sa sinugdanan gituohan nga cellphone nga nakasulod sa eco bag.
Apan sa dihang giablihan nakit-an ang usa ka bata hinungdan nga nagdagan og gisugilon ang ilang nakita.
Matud kang Barangay Kagawad Gina Sillan sa Sinawal nga ilang ipalubong ang maong bata human sa koordinasyon sa kapulisan og sa City Social Welfare and Development Office kon CSWDO.
Gisubay usab sa kapulisan ang pangalan nga Miss Gloria D. Tama nga nakasulat sa ecobag.
Nasayran nga layo sa kabalayan ang lugar kung asa nakit-an ang fetus.
Gituohan nga gibilin kini sa lugar ug ang nagdala niini ang nagsakay ug motor ug gipasagdan nga maigo sa init sa adlaw .
