Anaa sa 17 ang bag-ong kaso sa COVID 19 ang natala sa Rehiyon 12 base sa labing ulahing report sa DOH – Center for Health Development Soccsksargen Region.
Samtang anaa sa 21 ang bag-ong nakarekober og duha ang patay nga gikan sa Malapatan, Sarangani og Koronadal City. Sa 17 ka bag-ong kaso pito ang gikan sa South Cotabato, upat sa GenSan, tulo sa Sultan Kudarat, duha sa Sarangani og usa sa North Cotabato.
Ang South Cotabato ang may 22,091 ang kaso sa COVID 19 samtang anaa 71 ang active cases og 818 ang patay. ANg GenSan ang may 17,743 ka kaso, 62 ang active cases og 627 ang patay.
Ang Nortrh Cotabato ang may 13,852 ka kaso, siyam ang active cases og 663 ang patay. Ang Sultan Kudarat ang may 8,536 ka kaso,12 ang active cases og 251 ang patay.
Ang Sarangani ang may 7,974 ka kaso, 21 ang active cases og 195 ang patay.
Sa katibuk-an adunay 70,196 ang COVID-19 confirmed cases sa SOCCSKSARGEN region kung asa 175 (0.25%) ang active cases, 67,435 (96.07%) ang recoveries og 2,554 (3.64%) ang COVID-19 related deaths.
