GENERAL SANTOS CITY – Tulo pa ka rota sa Local Public Transport Route Plan (LPTRP) ang wala pay nagkuha alang sa operasyon sa mga public utility vehicles.
Matud pa kang retired Col. Reynato Padua, regional director sa Land Transportation and Franchising Board kon LTFRB 12 nga subli nila nga ablihan ang aplikasyon basin may gusto nga kooperatiba nga maghupot sa maong rota.
Sa 14 ka rota sa dakbayan ang 11 na ang may aprobal na nga makasugod sa ilang operasyon.
Ang LTPRP ang kabahin sa programa sa modenization sa mga pampublikong sakyanan.
Gibutyag nga ang rota nga walay nag-apply ang Shariff Mucsin padulong sa Central Business District agi sa Bombo Radyo og ang Central Business District kon CBD nga magtuyok sa upat ka barangay sa syudad ang North, South, East og West .
