GENERAL SANTOS CITY – Mas daghan ang natala nga vehicular accidents sa dakbayan sa miaging tuig kung itandi sa 2022. Matud pa kang P/ Lt. Col Dominador Palgan, labaw sa Traffic Enforcement Unit sa dakbayan nga base sa ilang talaan nga anaa sa 298 ka vehicular accidents ang natala gikan Enero 1 hangtud Marso 17, 2022. Samtang anaa sa 317 ang natala sa susamang panahon sa miaging tuig.
Gibutyag ni Palgan nga ang kasagarang rason nganong nahitabo ang disgrasya gumikan naka-inom og bino ang drayber, paspas ang pagmaneho og sakyanan, ug wala gadistansya sa gisundan nga sakyanan hinungdan nga mabangga kung magbreak gilayon.
Sumala pa ni Palgan nga kasagaran sa disgrasya ang nahitabo sa national highway.
Nakatampo usab sa aksidente ang kangitngit sa dalan nga walay suga og kawad-on sa road sign nga mahimong giya sa mga motorista.
