GENERAL SANTOS CITY – Adunay upat na ka mga tulunghaan sa Sarangani Province ang nagpahigayon na og limited face to face classes.
Matud pa ni Dr. Gildo Mosqueda, Deped Supt. sa Sarangani nga sa miaging Pebrero 21,2022 ang labing una nga limited face to face classes sa upat ka mga tulunghaan.
Samtang sa miaging semana nagsugod sa ilang limited face to face classes ang duha ka tulughaan sa Glan, Sarangani Province.
Sumala pa ni Mosqueda nga adunay laing 35 ka mga tulunghaan sa Sarangani ang gikatakda nga magsugod sa limited face to face classes human nga nakapasa sa mga rekositos nga gihan-ay sa Department of Health.
Gibutyag ni Mosqueda nga positibo ang tubag sa mga ginikanan sa limited face to face classes kung asa excited ang tanan nga mubalik sa eskwelahan.
Samtang hugot nga gipatuman ang pagsunod sa minimum health standards aron nga malikayan ang pagtinakdanay sa COVID 19 sa kooperasyon sa mga opisyal sa Barangay og sa mga ginikanan.
